CRISTO NAPULITANO Ce site state maje dint'a sttu vascio sgarrupato e viecchio
scavato dint''e pprete add� l'ummedit� trase 'int''all'osse. ce site state maje dint'a nu vascio? Na tavula tarlata cu' quatto segge 'e paglia
na branda militare n'armadio rusecato e 'a famma, tanta famma, patuta juorno pe' ghiuorno, pe' quanno po' dur� nu calannario accumminciata gi� quanno se nasce
sufferta e ogne mumento 'e stu calvario. Cristo che campa senza cchi� Dio stanco d''a vita stanco d''a morte stanco... Sempe accuss� 'a primma 'e Masaniello,
l'unica nuvit� � na televisione che fa ved� ricchezze scanusciute case, cummedit�, magn�, visone... Ce site state maje dint'a nu vascio? guagliune annure, femmene ammusciate,
puzza d'ummedit�, tanfo 'e sudore, nu pizzeco 'int''o core, nu squallore. Chest' � ancor'ogge Napule, 'o mare, 'o sole, 'a vita assaie luntano
e 'a croce ch'� pesante p''o Cristo senza Dio Napulitano.
|
CORE MARENARO Povero core mio, nu marenaro, campa 'int'all'acqua e nun � piscatore
cerca e nun trova 'a luce 'e na lampara se sta cecanno 'int'all'oscurit�. Vuleva 'o ddoce ma ha truvato 'o ffele e tutto avesse dato pe' n'ammore
sta vita na nemica assaje crudele luntano 'o puorto cu''a serenit�. 'Ncopp'a chest'onne stenta 'a varca a pprora e 'a sera lentamente s'avvicina
povero e scunzulato spera ancora ca l'eco d''e ssirene 'o fa arriv� . 'Mpruvvisamente 'o cielo se fa scuro nu lampo, po' nu tuono, na tempesta!
senz'anema stu core comm'� annuro ma sbatte forte, nun se v� ferm�. 'E rimme se so' fatte cchi� pesante 'a varca affonna e nun le pare overo se v� salv�, ma nun ce stanno sante,
... e scunzulatamente se ne va...
|
... E GUARDO 'O MARE ... E guardo 'o mare ma chesta sera l'onne songhe 'o ritratto
'e sti penziere mieje veneno e vanno comme 'e ricorde ca se perdono l� add� l'acqua se vasa c''o cielo. 'A terrazza � deserta nun me voglio affacci�
nun � 'o mumento e po' pe' fa che cosa ma pecch�? meglio a fa finta 'e niente. ... E guardo 'o mare 'nnanze all'uocchie 'a tristezza
'e na pioggia d'autunno.
|
FACCELLA NERA 'O juorno, tutte 'e juorne, vicino a nu semaforo staje l�,
'mmiscanno 'a famma toja cu' chesta famma, dicenno, cchi� 'e na vota, vu' cumpr�? Chis� 'a qua parte d'Africa tu viene, pizzo d''o munno povero e stramano,
cu' n'atu Dio, cu' n'ata tradizione, cu' l'uocchie fute e na faccella nera. Staje l� ch'aspiette vide 'e pass� migliare d'automobbile pienze ca simme ricche ma nun saje
che dint'a sta rammera ce st� ggente ch'adda fa 'e zumpe, ogn'ora e ogni mumento, pe' cerc� 'a strada pe' tir� a camp�? Nun stive meglio dint''a terra toja?
Che sarr� avara, che sarr� matregna, che sarr� triste quanno scenne 'a sera ma quanno � l'alba 'o sole 'nfoca ancora appiccianno 'a speranza 'e nu dimane. No, rieste ll�,
dint'a chesta citt� che st� chiagnenno 'a secule cu''e llacreme 'e na mamma che chiagne pecch� nun po' sfam� 'e figlie ca comme a tte se ne so' ghiute fore
ca comme a tte forze stenneno 'a mano chis� 'int'a qu� paese furastiere cu''a faccia janca ma cu''a sciorta nera cchi� nera d''a faccella ca tu tiene
pecch� 'a miseria nun tene culore nun tene razza o patria, � senza core!
|
'A SPERANZA D''O CARDILLO Ddoje segge 'e paglia rotte, nu tavulo tarlato, na branda militare,
na gatta spellacchiata; na pianta 'e rose rrosse cu' nu cardillo dint'a na cajola: chisto � 'o ritratto 'e stu vascio. E dint'a chistu vascio nu vicchiariello,
nu poco rimbambito e assaje malato, nun ce vo' cchi� rest� e aspetta sulo 'o juorno ca 'o putarria purt� all'eternit�. Pure 'o cardillo aspetta, cu' pacienza,
povera bestia cova sta speranza, pe' se gud� nu poco 'e cielo azzurro pe' pigli� 'o cielo, pe' turn� a vul�, e intanto canta pecch� sente vicino 'a libert�.
|
NUN E' FUOCO 'E PAGLIA E' notte, sta Napule sonna
criature cu''e ffacce cchi� allere cantannele na nonna-nonna 'e tutta na storia d'ajere. Fa parte 'e ll'Europa e 'o duimila l'ha spaparanzato gi� 'a porta
vurria se spezzassero 'e file 'e sta guarrattella d''a sciorta. Citt� ca nun � sulamente nu pizzo 'e mariuole e puttane che campa na vita pezzente
stentanno pe' nu muorzo 'e pane. E' munno che chino 'e speranza mo sta fravecanno 'o dimane pecch� l'universo 'mparanza l'aiuta cu''a forza d''e mmane
ch'asciuttano 'o chianto 'e criature crisciute 'int''a vocca d''o vico scetannese senza 'e ppaure c''o sole, nu sole ch'� amico.
N' amico brillante e lucente ch'appiccia sti vicule, abbaglia, sarr� chesta 'a carta vincente oppure sarr� fuoco 'e paglia? na paglia ch'abbrucia ma sceta
sta grande citt�, na culonna, ch'� fatta d'acciaro no 'e preta ca � vita, ca � luce, nun sonna!
|
|