|
'O SCUPATORE
Io me chiamme Salvatore
p''o quartiere só Tatore
e me sanno tutte quante
a quann'ero piccerillo.
Tengo ò posto è scupatore
nu mestiere bello assaje,
pure pateme à bonanema
era pure scupatore,
e pircio' pè chisto fatto
tutte cercano è Tatore.
Papá mio che piezzo d'omme
senza offesa ò nonno mio,
te scupava nù rione
senza ajuto Don Viciè,
ma mò à munnezza chi ta' dá
ò rifiute addò stá cchiú ?
Chelle é tutto n'apparenza
porta à scopa pé bellezza
sott'o vraccio che grandezza
e na cosa dà guardà.
Se pó ausà pure pe 'mbrello,
'o pó sole si è scuttante.
Chillo ó guaje mio è ò stipendio,
ca nun danno maje aumento.
e pircio' nun m'affatico
me ne vaco musce , musce
pare dorme nun reagisco
e passe ó tiempo lisce, pasce.
Chille ó guaje è Peppenella
che s'aunisce cú Ninuccia
si a nepote è Rafiluccio
chella e vasce e palazzelle
ne truvate é castagnelle,
e pircio' sé fà à munnezza
e pó cercano e Tatore
senza core sti scuntrose.
Luisella à stiratrice
ca se lagna tuttè juorne
dice arriva ò sfaticato
maje pulezza fà ó leccato.
Sente à ggente a dint'e vasce
gué Tató ma quanne scupe ?
'A munnezza chella aspetta
e che faccio dico nó ?
Ma si pulezze che bellezza,
é n''a cosa d'ammirà
pare à scopa quase vola
nun cé moda pà fermà.
Mà é figliole a fore é vasce
fanno à gara pe guardà,
danne sguarde veramente
ca so cosa da' squagliá ,
po' me danno à resatella
cu' chill'uocchie é lacertelle,
rosse. sosse só e vucchelle
assaje cchiú doce de perelle,
che capille scapigliate,
sente é dicere Tató
viene a ccà t'aggià parlá,
io sapiente facció fesso
pó decido c'aggiá fá ?
Lasce à scope pé mez'ora
e m'ammocca dint'e llà
tu po vire 'ngrifa ò gallo
chiure à porta e scope llà .
|
'A SPESA
Armanducce belle 'e mamma
ma vuó fà nu poco e spesa,
piglie ó pane da Tuccillo
e nú chile é pummarole
tanto à pasta già cé stá.
Mo te donghe a cinche lire
statte attiente addó a miette
nun a perdere p''a via.
Mó arrivato a stú mercato
addó à folla già ce stà
che frastuone, c'ammuine,
stú mercato ognie matina,
tanta ggente che te votta
stà chi sceglie, chi só piglie,
e chi sé n'abuse dó scubiglio.
Tanta frutta, mille sporte
cú carretto é ciucciarielle.
Stanne tutte a sbarià,
na pusteggia de mellune,
trà nú Turco e nú Maltese,
tutte cercano é campà.
Siente é voce de cummare
acalate stú panaro,
sé sperduto na criatura
proprie llá sottá Pretura,
Vire a mamma cà già allucca.
Stú mercato é San.Antuone
sé fà sempe cchiú scialone
mentre e panne vonne asciuttá.
Che festino só e barcune,
chine é pennele é mellune,
strisce ó sole strafuttente,
nun arrive é sé ne vá.
E'arrivata ná pusteggia
p'appará à confusione,
à Tarantola rampeggia,
trà na sporta 'e nú babá.
Passe pure Bellumunne,
e cchiú tarde à prucessione
beneritto San Gennaro
chillo vute tu mjá fá.
Tanta ggente ma che folla,
chi t'allucca, chi te strille,
trá canarie é sti cardille,
cchiu' nun trove 'a cinche lire.
'E arrivato Pulecenella
aunite ò Pazzariello
che tamborre,e pazzielle.
'O mercato é San. Antuono
addó tutto puó truvá
addó tutto puó accattá,
na gallina,nú pullasto,
'o nu gallo che fà l'ove.
Na'siloca , na vammana,
stanne sempe a te serví.
Passe ó muorte e munacelle
passe ó Vescovo 'n gonnella.
Siente ó fischio d''o vapore
nocelline Americane fighedindie,
ó bbrore é purpe ,
tengo à lampeda p''a notte.
Tra' vetrine é bancarelle
maje nun manca n'espressino,
pasticciotte, sfugliatelle
comme é zite giá prenelle.
Tengo lampada p''a notte
ve pigliate à carruzza
'o vulite nu tassí ?
Pure 'o lotto stá affarato,
siete à ggente cá se'sonna
famme à grazzia, cú nu terno
San.Genná famme appará .
Torne à casa senza ssorde
e mammá me st'aspettá,
che paliate chella vota
non mó pozzo cchiú scurdá.
|
|
'A MAMMA
Chi tene 'a mamma si che furtunato,
pecché na mamma vale nu tesoro
nun 'mborta ca tenesse pate é ssore
à mamma é n'ata cosa,
na cosa eccezzionale difficele a spiegá.
Essa ca sempe veglia, essa ca spia sempe,
essa ca sape tutto, senza l'addumanná .
'A mamma è na gendarma ca patria nun pó dá,
e quanne sta' in pericolo a primma che si chiamme
é sempe chella llá.
'A mamma é na putenza a nun puté emitá,
a mamma na sapienza ca l'arte nun pó fá.
|
'E VERMICIELLE A VONGOLE
Che smania che me vene sempe a chest'ora,
e na mania ca non me fá campá,
io pe' tutta l'aria sento giá n'addore
chillo prefume ca nun sé pó spiegà.
Passanne sempe à stessa tratturia,
da fore giá m'acchiappa à fantasia,
chillo prefume é mare, ó frugulio,
mé mengo dint'o comme na malia.
E à stessa storia ormaje só seje semmane
cá é ghiesco é trase é stóngo sempe ccà,
ó stesso piatto manco á farle apposta
á stessa spaghettate é frutte e mare.
Che cerassella pare à pummarola
pare cá sfotte affianche á l'aglietiello
cchiú sotto é tutto verde ó pretusino,
gué sé só accucchiate tutte tré vicine ?
L'italia,ví che bandiera ca facite aunite.
Atturcigliate trá vonghele verace
ma chisto nun é nu pranzo,ma n''a pittura
ca tene pé pennielle na furchetta.
C'addore derba é mare vuje verite
ca sule si é pruvate quase murite.
Dateme n''a 'nzalatiere é vermicielle á vongole
addó se senta ó mare é l'aglio int''a chell'uoglie,
n''a frunulella é pretusine frisco
n''a vranca é pummarole à facció mazzo
stú piato sacro pare cà fa 'ncantà,
st'addore é mare de vongole verace
sempe me st'addî viene dimane.
|
