MARECHIARE
Quanno sponta la luna a Marechiare pure li pisce nce fann' a l'ammore,
se revotano l'onne de lu mare, pe la priezza cagneno culore quanno sponta la luna a Marechiare.
A Marechiare nce sta na fenesta, pe' la passione mia nce tuzzulea,
nu carofano adora int'a na testa, passa l'acqua pe sotto e murmul�a, A Marechiare nce sta na fenesta Ah! Ah! A Marechiare, a Marechiare, nce sta na fenesta.
Chi dice ca li stelle so lucente nun sape l'uocchie ca tu tiene nfronte. Sti doje stelle li saccio io sulamente. dint'a lu core ne tengo li ponte. Chi dice ca li stelle so lucente?
Scetate, Carul�, ca l'aria � doce. quanno maie tanto tiempo aggio aspettato? P'accompagn� li suone cu la voce stasera na chitarra aggio portato. Scetate, Carul�, ca l'aria � doce. Ah! Ah!
O scetate, o scetate, scetate, Carul�, ca l'area � doce.
|
ERA DE MAGGIO
Era de maggio e te cad�ano 'nzino, a schiocche a schiocche, li ccerase rosse...
Fresca era ll'aria...e tutto lu ciardino addurava de rose a ciento passe...
Era de maggio, io no, nun mme ne scordo, na canzone cant�vamo a doje voce...
Cchi� tiempo passa e cchi� mme n'allicordo, fresca era ll'aria e la canzona doce...
E diceva: �Core, core! core mio, luntano vaje, tu mme lasse, io conto ll'ore...
chis� quanno turnarraje!�
Rispunnev'io: �Turnarraggio quanno tornano li rrose... si stu sciore torna a maggio, pure a maggio io st�ngo cc�...�
Si stu sciore torna a maggio,
pure a maggio io st�ngo cc�."
E s�' turnato e mo, comm'a na vota, cantammo 'nzieme lu mutivo antico; passa lu tiempo e lu munno s'avota, ma 'ammore vero no, nun vota vico...
De te, bellezza mia, mme 'nnammuraje, si t'allicuorde, 'nnanz'a la funtana: Ll'acqua, ll� dinto, nun se s�cca maje, e ferita d'ammore nun se sana...
Nun se sana: ca sanata, si se fosse, gioja mia, 'mmiez'a st'aria 'mbarzamata, a guardarte io nun starr�a!
E te dico: �Core, core! core mio, turnato io s�'...
Torna maggio e torna 'ammore: fa' de me chello che vu�'!
Torna maggio e torna 'ammore: fa' de me chello che vu�'!�
|
PIANEFFORTE ‘E NOTTE
Nu pianefforte ‘e notte Sona lontanamente E ‘a musica se sente
Pe ll’aria suspir�.
E’ ll’una: dorme ‘o vico Ncopp’a sta nonna nonna ‘e nu mutivo antico ‘e tanto tempo fa.
Dio, quanta stelle cielo!
Che luna! E c’aria doce! Quanto na bella voce Vurria sent� cant�!
Ma solitario e lento More ‘o mutivo antico; se fa cchi� cupo o vico dint’a all’oscurit�.
Ll’anema mia surtanto rummane a sta funesta. Aspetta ancora. E resta, ncantannose, a penz�.
|
MARZO
Marzo: nu poco chiove e n’ato ppoco stracqua torna a chiovere, schiove,
ride ‘o sole cu ll’acqua.
Mo nu cielo celeste, mo n’aria cupa e nera, mo d’’o vierno ‘e tempesta, mo n’aria ‘e Primmavera.
N’ auciello freddigliuso aspetta ch’esce ‘o sole, ncopp’’o tturreno nfuso suspireno ‘e vviole. Catar�!…Che buo’ cchi�?
Nti�nneme, core mio! Marzo, tu ‘o ssaie, si’ tu, e st’ auciello songo io.
|